Kalenner

Léif al Ochenerin, Léiwen alen Oochener,

Well Sport jo anscheinend jonk hält, an de Veräin vun den Alen Oochener all senge Memberen eppes Guddes well maachen, invitéiere mir och dëst Joer erëm op eng Summerolympiad. Di jonk Oochener vum AVL sinn och agelueden.

Et ginn dräi Sportaarten ugebueden, do ass fir jiddereen eppes dobäi:

1. Beachvolleyball
2. Pétanque
3. Wikingerschach

Dat Ganzt fënnt statt:
Samschdes de 20ten Juni 2026 ab 10:15 Auer um Barbecue “A Mouschelt”

D’Olympiade start um 11:00. D’Adress ass:

250, rte de Fischbach, L-7447 Lëntgen.

Gespillt gi Petanque a Wikingerschach an Ekippe vun 2.
Beim Beachvolleyball gi jeeweils 2 Ekippen zesummegeloust di da géint 2 aner Ekippe spillen (et sinn also 4 Spiller pro Säit um Terrain). An deem Sënn biede mir iech bei der Umeldung unzeginn, mat weem dir an enger Ekipp wëllt sinn. (Wann et iech egal ass mat weem dir an der Ekipp sidd, dann drot einfach “Mister X” an der entspriechender Case an.)

Optional kënnen déi eenzel Sportler sech nach bei engem Béierlaf vu ganzen 1,5 km moossen. De Gewënner vun der Course gewënnt eng gëlle Kou ?.

D’Olympiade start genau um 11:00 Auer. Fir de Spillplang net duercherneen ze bréngen, verléiert ee Forfait wann een net pünktlech ass. Sot wgl. Bescheed wann dir net um 11:00 kënnt do sinn.

Zéckt net a mellt Iech w.e.g. bis spéitstens den 12 Juni, mathëllef vum Formulaire hei ënnen un.

Fir Iessen a Gedrénks fir d’Mëttesiesse gëtt gesuergt.

Bis elo ugemellt sinn:

Och dëst Joer invitéiere mer Iech op eist

Traditionellt Grillfest op Nationalfeierdag
Dënstes, den 23. Juni ab 11:30 zu Bech-Maacher

Den Oflaf ass wéi gewinnt:

• Aperitif
• Gegrills mat allem wat dozou gehéiert
• Dessert a Kaffi
• Ronderëmturnen op der Wiss mat Volleyball etc.
• Spaass mam Motorboot op der Musel mat Waasserschi, Wakeboard, Wakesurf oder Promenade

De Site vum Club Nautique du Luxembourg (www.cnlwaterski.lu) ass direkt un der Musel, wann der vu Réimech kommt, hannert dem Hein lénks eran iwwert eng kleng Bréck. Parke kennt der vis-à-vis beim Losch: 5, Quai de la Moselle zu Bech-Maacher. Mellt Iech w.e.g. bis spéitstens den 21. Juni iwwert de Formulaire ënnen un. D’Participatioun ass 20 Euro pro Erwuessenem.

ugemellt sinn: